超之選20210414

又返去週中谷草夜賽，全晚一共有九場賽事，當中五班1800米同四班1200米被拆分成兩組，當中充斥住一啲能力平庸嘅馬匹，因此並不能太期望當中嘅賽事水準。雖然係咁，尾場二班1800米陣容都尚算可觀，因為呢場一共有四匹早前未能出戰打吡嘅四歲馬，當中「樂益善」同「喜駿駒」其實已經成功打開勝利之門，只不過因評分不足先失落打吡資格；至於「莎皇者」同「柏林探戈」雖然未曾在港贏馬，但以近期試閘而言就已見逐漸適應水土，亦可望開始交出表現。接著落嚟五月將會有皇太后紀念盃，今場都可以作為一個小指標睇下邊啲好似「樂益善」咁以皇太后紀念盃並再作跟進。