超之選20210131

嚟到一月最後一個賽馬日，今期沙田日賽將會上演另一場分級賽百週年紀念銀瓶。對於呢場大部分嘅參賽馬而言，呢場三級賽亦都同時係香港金盃前哨戰，當中焦點都係會落喺「時時精綵」、「添滿意」同「時時有餘」身上。掛頭牌嘅「時時精綵」喺過去兩年都能夠攻下呢場賽事，今次除咗爭取三連霸之外，同時亦都係爭取佢季內首場頭馬嘅機會；「添滿意」季初時兩勝分級賽，但去到香港盃面對外隊馬就稍為失色，今次亦係佢重振聲威嘅機會；「時時有餘」雖然仍未曾喺分級賽揚威，但馬匹今季表現更進一步，而且有輕磅優勢，亦係反先以上兩匹馬嘅大好機會。如無意外呢場賽事都係呢三匹馬之爭，又儘管睇下賽果係咪一如所料。