超之選20200701

踏入七月，今季本地賽事踏入倒數階段，計埋今期賽事，本季就得返5次賽事。今期跑十場賽事，戲碼都只係一般，甚至有個別場次水準都頗低，小心會出現意外賽果。

講返今期重心馬，我就揀咗第十場三班1000米嘅「凱旋來」。呢組馬入面兩大熱門一如所料地係「無敵勇士」同「夢想成金」，要跑入三甲亦非意外，因為呢組馬整體水準的確唔高。不過如果論值搏與否，「凱旋來」亦即係一匹不容忽視嘅黑馬，皆因「凱旋來」畢竟季內曾經喺二班同程同「遨遊戰士」串Q，級數上喺呢組嚟講其實不比「無敵勇士」同「夢想成金」低。另一方面，「凱旋來」今次抽到14檔起步，變相並唔需要特意搶欄，可以沿途貼欄並守居前位置，一旦「無敵勇士」同「夢想成金」比預期放快咗些少，「凱旋來」就有機會攬局。