超之選20200603

跑咗幾期沙田賽事之後，今晚終於跑返谷草賽事，又跑九場，而頭場開跑時間都係6點9。去到季尾賽事水準都不能強求大多，有時候形勢、體力或會比馬匹實力更為重要，因此都不時會出現令人意外賽果，就好似剛過去嘅沙田日賽咁。

今次全日重心係第七場嘅「太陽威威」。「太陽威威」今季轉戰谷草後取得2win，反映馬匹頗能應付谷中賽事，而「太陽威威」上賽升班出戰谷草一哩時沿途都處於劣勢，最終仍能跑入第四名，以初戰二班而言表現已經係合格有餘。

今次「太陽威威」增程上1800米，部署上都係合理，皆因「太陽威威」毛色承襲母系，而母系以往曾經贏到1800米賽事，亦有同母馬一再喺中距離賽事交出表現。而且今次「太陽威威」抽到3檔亦負輕磅，若然形勢造就或會係一路奇兵。