今個賽日將會上演四歲系列最後一關，香港打吡大賽。相比起上季四歲系列，今季就相對上比較均勢，皆因頭兩關賽事嘅三甲份子都係截然不同，變相去到呢一刻都未可能話有一匹參戰馬係有絕對優勢，加上今次亦都有唔少馬第一次出戰2000米賽事，賽事步速形勢如何，以至馬匹氣量問題，亦都係跑落先知。
如果講到認為邊匹馬有機會贏到打吡，我就會支持「包裝永勝」。「包裝永勝」喺來港後雖然仍未打開勝利之門，但係都可以睇到馬匹狀態同表現都循序漸進。今次馬匹跑返佢喺澳洲時贏過嘅2000米賽事，首先喺氣量上就比起其他初戰2000米嘅參戰馬更有證明，其次係今次步速亦未必好似上次咁慢，形勢上亦都唔係好似上次咁輸蝕。當然上次「將王」嘅表現亦有驚喜，但係「將王」暫時走規方面仍有改善空間，而「包裝永勝」嘅出腳相對整齊之餘，亦交出較穩定嘅表現，因此今屆打吡會支持「包裝永勝」。
Comentarios