今次谷草賽日又係跑九場賽事，所以頭場開跑時間都係6點9。賽事水準一般都不在話下，某程度上呢個階段嘅著眼點都落喺雷潘之爭。兩位分別位列前兩名嘅騎師依家只差一場頭馬嘅差距，只要其中一位失準嘅話，形式都會逆轉，因此兩位依家都係機不可失。
講返今晚賽事，我就想推介一匹半冷，就係第八場嘅「健康美麗」。「健康美麗」上季曾有一段短時間出戰谷草1200米賽事，而佢當時三戰取得一冠一季成績，路程根據上有實績支持。形勢方面，因應「健康美麗」抽5檔起步再參考返佢以往跑法，相信「健康美麗」都會採取居中跑法而盡量佔取內佔取內欄位置。雖然「健康美麗」評分高企，但觀乎同場有好幾匹對手排檔未如理想，形勢亦未必著數，而同場亦有啲馬嘅實力亦都一般，因此可搏「健康美麗」走入三甲，甚至係重溫上年喺谷草贏馬嘅美夢。
Yorumlar