第二場四班1650米
今場識得跑谷草1650嘅馬唔少，包括「活力勇士」、「放眼量」、「泰益善」、「愛凡達」「新界之星」、「捉金皇」、「塑料喜」及「快閃的」，都係呢個路程嬴過馬。
我覺得「活力勇士」評分略高；「泰益善」傷後休息咗唔少時間，而且評分都算叫高位；「愛凡達」賺盡形勢嬴完，之後都無咩表現；「新界之星」轉倉，應該用盡咗；「捉金皇」呢個評分要執好檔先有機會嬴，可以拖一注；「塑料喜」超輕磅慢步速先會特佳；「快閃的」好似壞咗。
相較之下「放眼量」似乎更好。睇返賽績，佢有兩場大爛地、軟地經驗，而且喺呢個路程表現最好，同時最佳時間最快。預計加咗眼罩，佢應該都會守 box-seat 位。有少少步速就啱佢跑；如果無步速，應該都唔會有馬變到奏，因為呢場無呢類馬。總之鬥爆一段，佢會好着數，相信無馬係佢對手。
今場潘頓策騎，就算馬負133磅都唔成問題；呢場佢必需嬴，係最佳時機！
Коментари