隨著無馬可以遠征，今年既寶塚紀念賽同安田紀念賽一樣，有唔少一級賽冠軍會出戰呢場賽事。當中認為「農神節慶」及「創世駒」兩匹馬既贏面較大。
「農神節慶」未能遠征香港，三月出賽後休息至今再上陣。其右轉賽績相當硬淨，出左六場，贏得五冠一亞。最後試跑亦見到佢相當醒神，完全唔似三個月冇跑。今仗抽到五檔，早段步速會有「神業」及「賽黃晶」提供，相信唔會慢。角居勝彦最後一屆寶塚紀念賽，希望可以憑呢匹「西沙里奧」贏出喇。
「創世駒」今年轉歲後越黎越好，而且今年初於京都記念贏馬。當時場地頗爛，但呢匹父系為歐洲馬「緬甸皇城」既賽駒，大勝對手而回。今日當地會有雨，如果臨場落雨，其取勝機會將大大提高。
埋門見「賽黃晶」試跑觀感不俗戈而且今仗閹後第二仗，前置馬大幅縮程，而且佢有機會可以跟「神業」同「三幕劇」跑，或者會有意外驚喜。
而另一匹熱門「旺紫丁」，自上年比蘇銘倫騎完之後，表現相當出色，今年已取得一冠一亞並贏出同場既一級賽大阪杯。由於近兩次贏馬都係要係貼欄競跑，今仗排11檔，要貼欄都唔容易，無疑會有啲擔心。不過佢由上十一月起四戰未甩過前兩名，賽績要尊重。
其他場次可以留意當地第九場（S1-R4）既「奮力衝」，休息近四個月再上陣。自轉戰草地賽後，未甩過前四名。而且北村友一策騎更全數入前三名。相信幕後對呢匹馬既潛能唔算好睇好，特登揀一啲6至8月、11至2月既賽事黎跑，屬於大賽期外既賽事。今仗特登部署而黎，相信佢贏馬機會都高。
其他場次心水如下：
Comments