十三屆冠軍騎師韋達今季首度從練，就取得37場頭馬，口碑載道，加上有新見習騎師周俊樂的加入，以及獲批准下季在從化設廐，頭馬理應陸續有來。不過，韋廐自上月17日勝出「輝煌芯」之後，守齋近一個月，以往從騎時代的韋達都不會守齋咁耐，聽日都係時候破悶局了。
聽日韋達出8匹，當中以角逐第八場二班泥地1200米的「超能力」有最大贏面。
這匹4歲紐西蘭PPG出道至今除上仗角逐草地1200米不入三甲外，其餘賽事跑泥地1200米5次獲3冠1亞1季全上名，加上前仗首次在二班作賽能夠跟住頭馬「好好利高」跑的情況下跑第三，參考性甚高，今仗續用旺人田泰安、續負輕磅，有力重開勝鼓。
「鞍歌」過往跑泥地成績不俗，而且能夠以後上勝出或入位，今仗續用賀銘年，前列分子。
「行星夢」今季出道至今跑9次獲3冠4亞，上名率超過7成，今仗初跑泥地，以血統計應可合跑，加上初上二班負輕磅，慎防冷箭！
「豹子頭」上季尾曾在濕慢泥贏過，今季遠征韓國後四仗表現在水準以下，今仗欣逢濕慢泥，回配贏馬拍檔何澤堯，屆復甦時。
獨贏及位置精選
第八場 9號 超能力
連贏及位置Q精選
第八場
1號 豹子頭
4號 鞍歌
8號 行星夢
9號 超能力
by 柏德烈
(Photo: HKJC)
Comments