【胎位不正】馬后「雍容爾雅」難產離世 享年八歲

「雍容爾雅」前年毅然前往歐洲上陣，以凱旋門大賽為目標。雖然最終未能出戰，但隨後於歐洲退役並安排與「海都之星」（Sea The Stars）配種。「雍容爾雅」第一胎原定於今年年初出世，不過馬主之一嘅Brae Sokolski表示「雍容爾雅」比預產期已經超過三星期，仍然未能成功誕下幼駒。

Brae Sokolski表示「雍容爾雅」嘅胎位不正，屬於最差嘅dogsitter 胎位。該幼駒四肢都藏左喺「雍容爾雅」胃下面。工作人員曾嘗試救出幼駒，但未能成功。幼駒於母體內亂撞，令「雍容爾雅」內傷。工作人員為「雍容爾雅」施行手術搶救，但無力回天，「雍容爾雅」於愛爾蘭客死異鄉。

Brae Sokolski就話「雍容爾雅」嘅情況與馬后「雲絲仙子」（Winx）相似，只係「雲絲仙子」最終能夠存活，而「雍容爾雅」則離大家而去。「雍容爾雅」與「海都之星」嘅幼駒亦於難產中離世。

Brae Sokolski表示致電練馬師華禮納同騎師麥道朗時，佢都聽得出兩人於電話中含淚對答，對「雍容爾雅」突然離世感傷感及震驚。

早前澳洲馬會決定將3月2號舉行嘅一級賽諾頓錦標更名為雍容爾雅錦標（Verry Elleegant Stakes），以表揚這匹馬后嘅成就。而家將會有多一重意義，祝願「雍容爾雅」一路好走！

Source: Racing.com, Racenet

Photo: Racing Photos

==============================

Telegram公海：https://t.me/GoldRacing

YoutubeChannel：https://www.youtube.com/c/GoldracingHK競馬知舍

Instagram：https://www.instagram.com/gold.racing/

Patreon：https://www.patreon.com/hkgoldracing

FacebookPage：https://www.facebook.com/HKGoldRacing

Twitch：https://www.twitch.tv/goldenrace

賽馬新聞：https://www.hkgoldracing.com/news-1