【時間掣失誤】金澤賽事期間熄燈 直播錄音揭當地董事竟想咁樣了事？

當時喺當地嘅第八場賽事，喺當地下午5點10分上演。呢場泥地1400米賽事去到對面最後中後段時，現時突然熄曬燈。當時場地未有任何警報，有啲賽駒仍然繼續跑，並返到終點衝線。事後當地嘅石川県競馬事業局表示原因係因為馬場入面嘅燈光時間掣設定失誤，導致喺賽事期間突然熄燈，對於引起今次意外感到致歉，並承諾日後會確同類事件唔會發生。而原本琴日仲有第九及第十場賽事，但因為燈光問題，佢地決定取消琴日餘下兩場賽事。

今次嘅意外事出突然，突然眼前一黑，難免有賽駒失控。結果導致三匹賽駒墮馬，當中有兩位騎師需要送院治理，而賽駒就有一匹就因傷勢嚴重而需要人道毀滅。但至今金澤賽事嘅主辦方就未有公布受傷騎師傷勢，甚至未有公布邊位騎師受傷。另外，被人道毀滅嘅賽駒係邊一匹都未有公布。

除左未有公布受影響人馬名單，由於當時衝線後嘅研訊情況被當地嘅直播唔小心漏左出黎，令當地網民可以得知當地董事喺意外後，曾經嘗試從賽事規例中令賽事成立。佢地指出「墮馬原因並非因為停電，而係馬匹本身受傷」（落馬があったけど停電のせいじゃなく故障だよね？），嘗試指賽事喺停電下並無受影響。其後佢地聽取騎師證供後，先決定宣布賽事無效。

主辦方無論喺燈光時間掣設定，到意外後嘅應對都難令人難以滿意。正當大家以為佢地會停幾日，主辦方就決定繼續今日賽事，唔少人都質疑佢地能否繼續提供安全環境比人馬角逐。

Source: 中日スポーツ

Photo: 賽事截圖

==============================

Telegram公海：https://t.me/GoldRacing

YoutubeChannel：https://www.youtube.com/c/GoldracingHK競馬知舍

Instagram：https://www.instagram.com/gold.racing/

Patreon：https://www.patreon.com/hkgoldracing

FacebookPage：https://www.facebook.com/HKGoldRacing

Twitch：https://www.twitch.tv/goldenrace

賽馬新聞：https://www.hkgoldracing.com/news-1