【我要上訴】布文就「歡喜福星」被裁定不小心策騎上訴

布文喺研訊期間並無承認不小心策騎指控（賽後報告用字為「布文（「歡喜福星」）被裁定一項不小心策騎〔賽事規例第100(1)條〕」）。佢經過考慮後，決定就裁決提出上訴。

小組認為布文喺接近1500米處未有作出足夠努力阻止坐騎向內斜跑，導致「赤火驍龍」及「凱旋七福」均嚴重受擠迫，而「赤火驍龍」在失去跑線時還須勒避。睇番直鏡「赤火驍龍」喺「歡喜福星」未向內移入前已經撞向「凱旋七福」，「赤火驍龍」同「凱旋七福」就出現碰撞，而「歡喜福星」就如常入彎走番自己條跑線，阻到被撞開嘅「赤火驍龍」，導致勒避。相信布文認為自己並不需要為呢次嘅碰撞負責而當刻不承認有關指控，再睇左賽事片後就決定上訴。

罰則方面，喺新規例下，騎師不小心策騎量刑根據其近200次出賽紀錄計算。布文近200次上陣犯不小心策騎應為四次，令佢需要增加一日停賽及增加半日罰款（罰款會根據騎師平均一個賽日的收入計算，上限為6萬港元）。正常如果佢嘅策騎紀錄正常或良好，布文今次所觸犯嘅不小心策騎程度及影響程度唔算高（分別為第一級及第二級），佢只會被罰停賽一日甚至唔使停賽（可參閱2023年12月29號第七場「爆熱」及2023年12月29號第一場「博愛之光」）。但由於布文近200次上陣儲落嘅不小心策騎實在太多，佢需要增加一日停賽及增加半日罰款，最終被罰兩日停賽及三萬元（即半日罰款之上限）。

因此係新規例下，量刑應該就無過重喇，而布文今次上訴應該就要說服小組佢策騎「歡喜福星」嘅初段並無導致「赤火驍龍」需要勒避。

Source: HKJC

Photo: HKJC

==============================

Telegram公海：https://t.me/GoldRacing

YoutubeChannel：https://www.youtube.com/c/GoldracingHK競馬知舍

Instagram：https://www.instagram.com/gold.racing/

Patreon：https://www.patreon.com/hkgoldracing

FacebookPage：https://www.facebook.com/HKGoldRacing

Twitch：https://www.twitch.tv/goldenrace

賽馬新聞：https://www.hkgoldracing.com/news-1