【女皇盃三連霸】「浪漫勇士」同時報爭安田寶塚 賽後顯疲態遠征有待確定

練馬師沈集成賽後接受訪問表示「浪漫勇士」返到凱旋門影相果陣都有啲疲態。佢就話地佢地已經為「浪漫勇士」同時報爭六月初嘅安田紀念賽及六月底因阪神裝修而轉到京都上演嘅寶塚紀念賽。沈集成就話佢當然希望可以遠征日本，但一切都要等「浪漫勇士」賽後狀態恢復情況，會以其健康為先。

沈集成亦相當感謝馬房上下及鞍上人麥道朗。佢認為今場「浪漫勇士」取勝過程並唔容易，幾乎全程三疊。「浪漫勇士」全程盡力而為，佢亦感謝麥道朗保持賽駒平衡及保持佢嘅節奏，令佢接近終點仍然可以交出凌厲後勁。麥道朗亦表示「浪漫勇士」早段處於不利位置，幸好於接近1000米處可以稍為休息。其後「浪漫勇士」於黏軟場地掙扎，最後佢都可以交出表現，實在令佢難以置信。麥道朗賽後都有同沈集成講，覺得「浪漫勇士」有啲攰，遠征嘅大前提係要確保佢健康如常，狀態無問題，否則應該要比「浪漫勇士」好好休息抖暑。

若根據沈集成賽後訪問，「浪漫勇士」要睇賽後是否健康同心情許可先會部署出戰日本賽事。暫時佢就傾向跑安田紀念賽，但如果跑完安田紀念賽「浪漫勇士」大勝或僅敗，可能就會跑埋同月底嘅寶塚紀念賽。寶塚紀念賽屬於後備計劃，只係報定以防萬一。稍後馬主、麥道朗同沈集成佢地會透過視象會議再商討是否遠征。

Source: SCMP

Photo: HKJC

==============================

Telegram公海：https://t.me/GoldRacing

YoutubeChannel：https://www.youtube.com/c/GoldracingHK競馬知舍

Instagram：https://www.instagram.com/gold.racing/

Patreon：https://www.patreon.com/hkgoldracing

FacebookPage：https://www.facebook.com/HKGoldRacing

Twitch：https://www.twitch.tv/goldenrace

賽馬新聞：https://www.hkgoldracing.com/news-1